PROXECTO

Aturuxo Films é un proxecto pedagóxico que desenvolve a alfabetización cinematográfica e mediática curricularmente nas aulas e engloba programacións, material didáctico, formación de profesorado e asesoría para implantar estes contidos nos proxectos educativos de centro.

A súa proposta didáctica define a experiencia cinematográfica como un proceso que nos permite reeducar a mirada a través da alfabetización na súa linguaxe e aproveitar as súas metodoloxías e procesos de creación para abordar desde a reflexión crítica e a sensibilidade calquera temática partindo da realidade social e cultural. E o cinema, como a súa representación artística, permite ao alumnado construír o seu propio coñecemento a través da reflexión tras o visionado de películas e os procesos de creación das súas propias pezas cinematográficas.

Responde aos chamamentos da UNESCO dende a década dos 70 e da UE concretado no ano 2007 Media Literacy para incluír estes contidos no deseño curricular.