Este fin de semana celebrouse o I International Youth Film Festival en Plasencia dedicado ás curtametraxes realizadas en centros educativos. Participaron máis de 320 obras de 28 países e a curta Spots Sociais creado por alumnado do IES de Cacheiras dentro do proxecto educativo ATURUXO FILMS foi galardoado co Premio de Medio e Desenvolvemento Sostible. Recolleron o premio Sara e Andrea representando a todos os seus compañeiros xunto a Sergio Clavero, o seu profesor. Acudiron ao festival nun encontro que durou tres días e no que compartiron experiencias relacionadas coa educación audiovisual con alumnos e profesores doutros paises participantes.
Parabén a todos os que integran e participaron en Aturuxo Films e moitas grazas á organización do festival pola excelente experiencia.
ATURUXO FILMS 