Educación Audiovisual

Publicado o por SERGIO CLAVERO

Como xa sabedes no IES Cacheiras ofértanse as optativas:

– Linguaxe audiovisual e medios dixitais en 3º e 4º ESO

– Cultura Audiovisual en 1º Bacharelato

Tedes as programacións publicadas neste blog en formato pdf.

 

Esta iniciativa parte do Departamento de Debuxo e a asume o centro pola enorme importancia que ten a alfabetización do noso alumnado na linguaxe audiovisual. Pensamos que é bo que toda a comunidade educativa teña a máxima información sobre a crecente importancia que se está a dar á educación audiovisual nos centros escolares.

Polo tanto ponemos a vosa disposición  algúns documentos de gran relevancia como o Libro Blanco: la educación en el entorno audiovisual, libro de referencia a nivel nacional ou as conclusións do 1º e  2º Encontro Internacional de Educación Audiovisual celebrado en Santiago de Compostela no 2005 e 2006 respectivamente.

 

Libro Blanco: Educación en el entorno audiovisual pdf

Conclusións I Encontro Educación Audiovisual pdf

Conclusións_II_Encontro Educación Audiovisual pdf

 

SPOTS SOCIAIS

Publicado o por SERGIO CLAVERO

Estes spots sociais foron feitos polos alumnos de Cultura Audiovisual como exercicio de creación  unha vez estudiadas e analizadas as estratexias que utiliza a publicidade para manipular os nosos comportamentos e hábitos de consumo.

Pareceunos interesante aplicar estas estratexias ao ámbito da educación en valores e neste caso promovendo o coidado do noso medio ambiente e a igualdade de xénero no traballo.

ZUREVISION 2010

Publicado o por SERGIO CLAVERO

Os Spots sociais feitos polos alumnos de Cultura Audiovisual, optativa de 1º de Bacharelato, foron seleccionados no

III CONCURSO INTERNACIONAL DE SPOTS SOCIALES “ZUREVISION-SOCIAL VISION” 2010

Noraboa aos creadores dos mesmos xa que trátase dun concurso internacional e aberto a tódolo público. Os spots vanse proxectar na programación da Mostra de cine e cooperación ZUREVISIÓN 2010 que celébrase en Euskadi organizado pola ONG Mugarik Gabe.

NORABOA e SORTE


CULTURA AUDIOVISUAL

Publicado o por SERGIO CLAVERO

Como xa sabedes este curso traballamos nunha nova optativa en 1º de bacharelato chamada Cultura Audiovisual, propia de modalidade no bacharelato de Artes, para a que temos matriculados 15 alumnas e alumnos.

Nestes intres están a traballar na creación dun spot publicitario de contido social despois de impartir contidos relativos as extratexias que utiliza a publicidade para influir nas nosas decisións e analizar diversos spots.
Xa están en fase de postprodución polo que esperamos poder mostralos pronto neste blog.

Aquí tedes, a modo de anticipo, un fotograma de cada un deles.

1. Spot ecoloxía: Sobran as palabras

2. Spot Igualdade no traballo



Premio Spot Emoción na prensa

Publicado o por SERGIO CLAVERO

Tedes aquí unha selección dos artículos que deron noticia do galardón que gañamos no concurso ao mellor Spot para a celebración do Ano Internacional da Astronomía, concurso de ámbito nacional.

Voz de Galicia pdf

Galicia dixital pdf

Tamén algunhas fotos que ilustran o acto que organizou o Concello de Teo para felicitar aos alumnos e profesor creadores do mesmo e donde proxectóuse ao público asistente na mediateca O Grilo o Spot gañador a as últimas curtametraxes feitas polos alumnos de Linguaxe audiovisual e medios dixitais.

Por suposto agradecer ao Concello de Teo e o seu alcalde o interés mostrado pola labor que neste campo da educación audiovisual está a desenvolver o IES Cacheiras.

VIDEOTECA no IES CACHEIRAS

Publicado o por SERGIO CLAVERO
Neste curso 2009-10 púxose en funcionamento o préstamo de películas en formato DVD na Biblioteca do centro. Esperamos poder ampliar o seu número tendo en conta a calidade dende o punto de vista artístico, histórico, pedagóxico ou social.
Tamén vanse adquirir series documentais de especial calidade que traten temas de interese para o profesorado no traballo de aula.

Preténdese crear unha cultura cinematográfica, máis alá das carteleras de cine, adquirindo coleccións de grandes clásicos do cine.

Consultar o listado de películas dispoñibles na biblioteca do centro.

CURTAMETRAXES CURSO 2008-09

Publicado o por SERGIO CLAVERO
Estes son os carteis das diferentes curtametraxes feitas polo alumnado na fase de postprodución das mesmas. A promoción é moi importante para achegarnos ao público xa que a exhibición é o fin último deste acto comunicativo sen o que non ten sentido tódolo proceso creativo anterior.

GAÑAMOS O 3º PREMIO NA SECCIÓN OUFF ESCOLA DO FESTIVAL INTERNACIONAL DE CINE DE OURENSE

Publicado o por SERGIO CLAVERO
Alumnos e alumnas do IES de Cacheiras obtiveron o 3º premio no Festival Internacional de Cine de Ourense na sección Ouff Escola que naceu co obxectivo de impulsar o uso do idioma galego entre a mocidade; fomentar a creatividade audiovisual e o traballo en equipo.

A obra premiada titúlase Pequenas Obsesións. É unha curtametraxe de dez minutos formada por sete pequenas pezas feitas en grupos por 50 alumnos e alumnas das materias Linguaxe audiovisual e medios dixitais na ESO e Tecnoloxías da Información e da Comunicación no Bacharelato durante o curso 2008-09.
Todas forman no conxunto unha obra única e teñen unha temática común: temores e obsesións que nos soños afloran e removen o noso inconsciente.

O pasado 13 de Outubro trasladámonos a Ourense con 50 alumnos e alumnas para recoller o premio, nun acto organizado a tal efecto, donde se proxectaron as obras premiadas.

Noraboa a todo o alumnado que participou na creación das obras e tamén aos intérpretes das mesmas, alumnos, alumnas e profesores.

AUDIOVISUAL NAS AULAS

Publicado o por SERGIO CLAVERO
Este programa da Consellería de Educación e Ordenación Universitaria da Xunta de Galicia e organizado polo Consorcio Audiovisual de Galicia está dirixido a centros escolares para a divulgación dos medios audiovisuais e as tecnoloxías da información e a comunicación.

Participan 20 centros de secundaria de toda Galicia tras unha selección previa en relación aos méritos presentados por éstes relativos aos contidos do programa.

Este curso participamos en Iniciación á televisión con dúas sesións de 5 horas cada unha. Na primeira de elas e despois dunha introdución teórica ao concepto de televisión e a súa historia explicáronse os pasos para a creación dun programa de TV.
A práctica consistía na gravación en directo dun programa que eles elixiron.

Participaron 70 alumnos e alumnas de 3º e 4º de ESO que cursaban a optativa Linguaxe audiovisual e medios dixitais.

Todos eles fixeron diferentes funcións para a gravación dun concurso de televisión, formato elexido por eles mesmos. Así, entre éstas, estaban as técnicas (produción, realización, cámaras, son, rexidor, decorados…), presentadora, concursantes e o público.
Tras os preparativos do programa e un primeiro ensaio exitoso fíxose a gravación en directo do programa.

A experiencia foi moi intensa e enriquecedora grazas á moi boa organización e o gran traballo do alumnado e dos monitores.

ATURUXO FILMS na TVG

Publicado o por SERGIO CLAVERO
Co motivo do premio que gañamos na conmemoración do Ano Internacional da Astronomía a TVG fíxonos unha reportaxe para o programa A Revista fin de semana. Tamén tivo moita repercusión na prensa galega grazas ao Concello de Teo e concretamente ós seus departamentos de comunicación e cultura. Moitas grazas.

A REVISTA FIN DE SEMANA. TVG

GAÑADORES SPOT ANO INTERNACIONAL ASTRONOMÍA 2009

Publicado o por SERGIO CLAVERO
A asociación Nuestros Cielos, a través da web http://www.nuestroscielos.es convocou un concurso de spots publicitarios co motivo da celebración do Ano Internacional da Astronomía e co obxectivo de impulsar a divulgación da astronomía neste ano 2009 no que se celebra o 400º aniversario da observación do ceo cun telescopio por parte de Galileo. Este concurso conta co patrocinio de Eurocosmos, S.L. e está subvencionado pola Fundación Española para a Ciencia e a Tecnoloxía e o Ministerio de Ciencia e Tecnoloxía.

Dirixido tanto a profesorado como alumnado, decidimos participar xa que estábamos a traballar a linguaxe audiovisual na aula e podía ser un exercicio interesante de creación por encargo. Tiñamos dúas semanas para desenvolver unha idea, o guión e rodar, sonorizar e editar o spot.
Adaptándonos ao tempo dispoñible propuxen unha idea e un guión a partires do que o grupo traballou na elaboración das imaxes reais.

A idea pretende captar a primeira emoción da observación do ceo estrelado e por iso centrámonos nas miradas limpas que observan o espectáculo nocturno. O ser humano fronte a grandiosidade e a beleza da natureza. E internándonos neste espectáculo desde a observación da lúa, como fixo Galileo, atopamos en fulgores os principais obxectivos que pretende acadar a conmemoración do Ano Internacional da Astronomía.

Teño que agradecer publicamente a xenerosidade de todo o profesorado e alumnado que participou como actor e actriz na elaboración deste spot, e no só ós que aparecen finalmente na pantalla senón tamén a aqueles que por motivos creativos non están na montaxe final. Grazas a todos.