ATURUXO FILMS

PERSOAS acada o PREMIO do PÚBLICO do Certame NO TE CORTES de creación audiovisual organizado pola Fundación Germán Sánchez Ruipérez e a Fundación VOCES. Anteriormente fomos finalistas no premio do xurado deste certame.

Un novo recoñecemento ao excelente traballo do alumnado no proxecto educativo ATURUXO FILMS do IES de Cacheiras e á colaboración co grupo de teatro CHÉVERE e o Conservatorio Profesional de Música de Santiago a través do seu alumnado.

Moitas grazas pola vosa participación para acadar máis de 1.200 votos e máis de 1.000 reproducións da curta Persoas.

No blog de aula CADERNO DE RODAXE podedes encontrar toda a información sobre o proceso creativo da curtametraxe PERSOAS.

A curtametraxe PERSOAS gañou o primeiro premio do Certame Ouff Escola 2014 nunha gala celebrada esta mañá no Auditorio Municipal de Ourense onde, ademais, se proxectou a curta ao público asistente. Recolleu o premio o profesor Sergio Clavero xunto ao alumnado do proxecto educativo ATURUXO FILMS en representación dos autores que non puideron acudir ao acto.

Este premio súmase á extraordinaria noticia recentemente coñecida da súa selección nun festival de cine profesional para a súa proxección este venres 21 de novembro no Festival Internacional de cine solidario de Barcelona.

PERSOAS é unha obra creada en Aturuxo films na que colaboraron os actores e actrices do grupo de Teatro Chévere que nos regalaron as súas magníficas interpretacións e o Conservatorio Profesional de Música de Santiago de Compostela onde se compuxo, interpretou e gravou a música por alumnado do devandito centro.

Noraboa a tod@s.

Aquí tedes o trailer de PERSOAS antes da súa estrea na rede.

ATURUXO FILMS ha obtenido el premio ALFABETIZACIÓN AUDIOVISUAL que otorga el Ministerio de Educación a través del ICAA en la modalidad de secundaria por “su carácter pedagógico y la gradación paso a paso del trabajo en equipo, valorando positivamente su carácter ambicioso”.

El proyecto educativo de creación audiovisual iba acompañado del cortometraje PERSOAS creado por el alumnado de 4º ESO en la materia optativa Linguaxe audiovisual e medios dixitais y en cuya producción han colaborado el grupo de teatro CHÉVERE con la interpretación de los personajes y el Conservatorio profesional de música de Santiago de Compostela del que son alumnos Sandra Galera compositora de la música y sus intérpretes y donde se ha realizado la grabación.

Enhorabuena a Rafa, Lara, Tania, Carlos, Olalla, Andrea, Alex, Eduardo, Iago, Jessica, Daniel, Nicolás, Javier, Inés, Brais, Pablo, Alejandro,Tobías, Sandra, Teresa, Lorena, Pablo, Arturo y Álvaro, a todo el profesorado que ha colaborado desde el CMUS y el IES de Cacheiras y a los componentes de Chévere.

O proxecto educativo ATURUXO FILMS foi seleccionado na fase autonómica finalista para os premios ACCIÓN MAXISTRAL  a nivel estatal.

O premio convócao a Fundación de Axuda contra a Drogadicción, a Comisión Nacional Española de Cooperación con a UNESCO e o BBVA. Ten como obxectivo premiar entre o profesorado a transmisión de valores sociais como a solidariedade, tolerancia ou respecto utilizando metodoloxías educativas innovadoras.

O proxecto de creación audiovisual ATURUXO FILMS que se desenvolve no IES de Cacheiras dende hai seis anos obtivo unha mención por “o labor de respecto aos dereitos de propiedade intelectual, así como polo seu carácter multidisciplinar” nos Premios á Alfabetización Audiovisual do Ministerio de Educación, Cultura e Deporte a través do ICAA. Estes premios pretenden galardoar aos centros españois que fomentan a alfabetización audiovisual a través do desenvolvemento de proxectos que se materializan na implantación de experiencias educativas, actividades complementarias, materiais curriculares e de apoio, así como todos os traballos innovadores que contribúan a achegar os alumnos á cinematografía e o audiovisual.

Este curso seguimos con ese labor con 50 novos alumnos e alumnas que se incorporaron a este proxecto a través das optativas de 3º e 4º ESO e 1º bacharelato co obxectivo de lograr unha formación integral nos medios audiovisuais e fomentar o espírito crítico.

O xurado do Encontro Audiovisual de Xóvenes do Festival Internacional de cine CINEMA JOVE  de Valencia otorgou á experiencia de formación e creación audiovisual ATURUXO FILMS, a través da curtametraxe SPOTS SOCIAIS, o PREMIO de Cuadernos de Pedagogía CISS PRAXIS. Este premio destaca á labor docente do seu profesor responsable Sergio Clavero e o excelente traballo do alumnado participante neste proxecto pola dedicación e apoio á producción audiovisual. Este proxecto desenvólvese no IES Cacheiras desde hai cinco anos cuns resultados moi bos avalados polos numerosos premios recibidos.

Volvemos do Timeline filme festival de Carate Brianza (Milán) cunha mención especial que recoñece a calidade da curtametraxe Vidas en sombra creada por alumnado de 1º de bacharelato na materia Cultura audiovisual. A experiencia para os dous alumnos e o profesor que acudiron á cita invitados como finalistas foi extraordinaria pola hospitalidade da organización e a convivencia coas delegacións doutros países participantes como Austria, Croacia e a propia Italia. O intercambio de experiencias educativas de formación audiovisual permítenos enriquecer o noso proxecto co obxectivo de conseguir unha educación integral do alumnado do centro.
Parabén aos creadores de Vidas en sombra por este novo recoñecemento.

A curtametraxe “Vidas en sombra” feita polo alumnado de 1º bacharelato na materia Cultura Audiovisual é finalista do TIMELINE FILM FESTIVAL de Carate Brianza (Italia) e acudirán a dito festival dous alumnos e o profesor responsable da materia, Sergio Clavero invitados pola organización entre o 30 de maio e o 2 de xuño. Os alumnos convivirán con familias do IIT Leonardo da Vinci organizadora do festival. É o tercero ano que as curtas creadas no IES Cacheiras son finalistas en dito festival.