IMAXINANDO MÚSICAS

O luns 13 de xuño presentouse o proxecto de creación cinematográfica e musical IMAXINANDO MÚSICAS que desenvolven conxuntamente alumnado de ATURUXO FILMS e do CMUS de Santiago de Compostela onde se desenvolveu o acto. Neste proxecto coordinado polos profesores Sergio Clavero (Aturuxo films) e Xosé Antonio Rodríguez (CMUS) preténdese crear un espazo onde o alumnado poida desenvolver o seu talento creativo no ámbito cinematográfico e musical cunha formación e metodoloxía activa.

Froito dese traballo proxectáronse dúas curtametraxes creadas por alumnado do IES de Cacheiras dentro do proxecto de alfabetización cinematográfica Aturuxo Films para os que alumnado do CMUS compuxo a música (PERSOAS e EN LIÑA) e tamén as creacións visuais inspiradas na música composta no CMUS por Sandra Galera e Inés Mirás (Vals e Vals nº2).

Excelente o traballo de todo o alumnado.

IMG_20160613_201448 copia

IMG_3178 copia

IMG_20160613_205238

EN LIÑA

Seguimos coa estrea de curtametraxes de temática redes sociais e contorna persoal e nesta ocasión con EN LIÑA creado por Marta Calvo, Álvaro Silvade e Miguel Calvo con música composta e interpretada por Sandra Galera dentro da colaboración entre ATURUXO FILMS e o Conservatorio Profesional de Música de Santiago de Compostela. Nesta ocasión temos que felicitar aos seus creadores e a todos os actores e actrices participantes polos dous premios conseguidos recentemente en CINEDFEST que se celebra en Canarias e no Festival OLLOBOI que como sabedes organízase en Boiro con gran éxito. E dentro de dúas semanas participamos no Encontro Audiovisual de Xóvenes de CINEMA JOVE en Valencia.

PARABÉNS!!

13329395_1180316265346697_7939684328401314933_o

Miguel e Marta Calvo en Olloboi.

2º ANIVERSARIO DA ESTREA DE PERSOAS

Tras estes dous anos transcorridos desde a estrea da curtametraxe Persoas no Centro Sociocultural de A Ramallosa de TEO e posteriormente no CGAC de Santiago de Compostela é o momento de facer balance. En primeiro lugar destacar de novo o excelente traballo realizado polo alumnado participante e a oportunidade de contar coas interpretacións de actores e actrices do grupo de teatro Chévere e a colaboración do Conservatorio Profesional de Música de Santiago de Compostela para a composición, interpretación e gravación por parte do seu alumnado da música. A confluencia do talento de todos eles é o que fai especial a esta obra que, ademais, aborda un tema moi de actualidade como é o dos migrantes que ven obrigados a abandonar os seus fogares fuxindo de conflitos bélicos, da pobreza, da falta de liberdades… e faio centrándose nos sentimentos e emocións das persoas.

Neste tempo a curtametraxe percorreu certames e festivais de medio mundo con numerosos recoñecementos que enumeramos a continuación:

PREMIO ALFABETIZACIÓN AUDIOVISUAL 2014. Ministerio de Educación.

1º PREMIO OUFF ESCOLA 2014. Ourense.

PREMIO DO PÚBLICO CERTAME NO TE CORTES 2014. Madrid.

1º PREMIO PELEÓN OLLOBOI 2015. Boiro.

1º PREMIO LINGUAS MINORITARIAS BEGIRADAK FESTIVAL 2015. Donostia.

E proxectouse tamén como finalista nos seguintes festivais:

PLURAL PLUS ONU 2014. Nova York.

ENCONTRO AUDIOVISUAL DE XÓVENES CINEMA JOVE 2014. Valencia.

FESTIVAL INTERNACIONAL DE PONFERRADA 2014.

FESTIVAL CINE SOLIDARIO KO&DIGITAL 2014. Barcelona.

FESTICORTOS 2014. Córdoba (Arxentina).

FORO INTERNACIONAL CINEMA PEQUENAS NACIÓNS, ALFABETIZACIÓN FÍLMICA E NOVAS AUDIENCIAS 2014. Facultade Ciencias Comunicación USC. Santiago.

FESTIVAL INTERNACIONAL CINE INFANTIL E XUVENIL 2014. Mérida (Venezuela).

SELECTIVA ÚNICA 2014. Barcelona.

FESTIVAL INTERNACIONAL INFANCIA E ADOLESCENCIA 2014. Bogotá (Colombia).

INTERNATIONAL YOUTH FILM FESTIVAL 2015. Plasencia.

FORUM INTERNACIONAL PLATAFORMA UNIAL 2015. La Habana (Cuba).

KONTRABANDO FILM FESTIVAL 2015. Mallorca.

FINALISTA AUTONÓMICO PREMIO ACCIÓN MAXISTRAL 2014. Fundacións FAD e BBVA.

Se non o viches aínda aquí tes unha nova oportunidade.

PARABÉNS RAFA, LARA, OLALLA, SANDRA, CARLOS, EDUARDO, IAGO, DANIEL, BRAIS, NICOLÁS, TANIA, INÉS, ALEX, ANDREA, JESSICA, IÑIGO, PABLO, JAVIER, ALEJANDRO, PATRICIA, XESÚS, ARANTZA, MÓNICA, PEPE, TOBÍAS, MANUEL, BORJA, TERESA, LORENA, ARTURO, ÁLVARO, PABLO, XOSÉ ANTONIO e toda a COMUNIDADE EDUCATIVA DO IES DE CACHEIRAS e do CMUS DE SANTIAGO.

AISLADO

Seguimos coa estrea de novas curtametraxes creadas en 4º ESO o curso 2014-15. Iniciamos aquí unha serie que trata o tema da influencia das redes sociais na nosa contorna persoal. O primeiro o titulado AISLADO.

ESTREAMOS CURTAMETRAXES

Coma xa sabedes o obxectivo principal de Aturuxo films é a alfabetización cinematográfica do alumnado a través dun proceso de aprendizaxe baseado en proxectos onde a creación é o motor fundamental. Froito deste proceso xorden as curtametraxes que xa coñecedes e que tedes a vosa disposición no noso Canal de Youtube.

Iniciamos a publicación de diferentes curtametraxes creadas polo alumnado nos últimos anos. No curso 2013-14 na materia de Cultura Audiovisual en 1º de bacharelato creouse a curtametraxe Traizón.

UN NOVO CURSO

Xa iniciamos un novo curso con 35 alumn@s repartidos nas optativas específicas de Cultura Audiovisual en 1º de bacharelato e Linguaxe Audiovisual en 4º ESO. Estamos a traballar cun novo proxecto froito da colaboración co Conservatorio de Música Profesional de Santiago de Compostela. Esta proposta do CMUS chega a través de Xosé Antonio Rodríguez, profesor de guitarra e coordinador deste proxecto conxunto; consiste na composición de temas musicais por parte do seu alumnado e que inspirarán ao noso obras audiovisuais posteriormente. É un gran reto creativo para todos xa que inviste o proceso habitual de obra audiovisual e posterior composición de banda sonora. Nesta dirección seguimos traballando e estanse creando as músicas de obras creadas o curso pasado.

Doutra banda seguimos divulgando o proxecto de alfabetización audiovisual ATURUXO FILMS e o 30 de outubro estaremos en Madrid co relatorio ATURUXO FILMS, proxecto de alfabetización audiovisual nas aulas dentro de SIMO EDUCACIÓN. Tamén participaremos o 5 de novembro na VIII Xornada de Recursos educativos en galego. Educación Artística na Facultade de Ciencias da Educación da USC en Santiago de Compostela.

simo

NOVOS RECOÑECEMENTOS

FredatSchoolO proxecto de alfabetización audiovisual Aturuxo Films segue suscitando interese e, nesta ocasión, fomos entrevistados polo programa europeo FRED AT SCHOOL. Este é un proxecto innovador que pretende impulsar a alfabetización cinematográfica entre o público novo utilizando a radio dunha forma moderna e estimulante.

Tamén recibimos novos recoñecementos ao excelente traballo realizado polo alumnado. A curtametraxe PERSOAS recibiu o premio Peleón no festival Audiovisual OLLOBOI celebrado o sábado 30 de maio na Casa de Cultura de Boiro.  Esta curta, ademáis, foi proxectada como finalista no Festival Internacional de Cine e Audiovisual Infantil e Xuvenil de Mérida en Venezuela e no 78 Certamen estatal de vídeo no profesional selectivo UNICA 2015 de Barcelona.

cropped-camiseta-polbo

escolaTIC e novas

O sábado 18 de abril presentamos o proxecto ATURUXO FILMS nas Xornadas EscolaTIC celebradas no Palacio de Congresos de Santiago de Compostela. Cunha organización perfecta, asistimos tamén a numerosas ponencias moi interesantes sobre educación, metodoloxías innovadoras e ferramentas TIC.

10929961_941654635879529_4156435094981582035_n

Por outra banda, a curtametraxe PERSOAS segue o seu percorrido por diferentes festivais e nesta ocasión foi seleccionado finalista no Certame Selectivo UNICA 2015 e vai ser proxectado o mércores 13 de maio en Barcelona. Agora un xurado vai seleccionar aos representantes de España no Concurso Mundial UNICA patrocinado pola UNESCO que vaise celebrar en St. Petersburg.

NOVOS PROXECTOS

Este curso ATURUXO FILMS segue traballando, non só a través das optativas do IES de Cacheiras Linguaxe audiovisual e medios dixitais en 3º e 4º ESO e Cultura Audiovisual en 1º bacharelato onde temos matriculados 37 alumnos e alumnas, senón tamén con novos proxectos co obxectivo de afondar e expandir esta experiencia de alfabetización audiovisual.

Este curso colaboramos coa biblioteca do centro na elaboración dun plan de alfabetización mediática imprescindible para unha experiencia integral dos medios de información. Iniciouse cun grupo de traballo de 10 profesores do centro que se están a formar na linguaxe audiovisual dende a sintaxe e a análise ata a creación de mensaxes.

Tras os recoñecementos a esta experiencia educativa cos premios de ALFABETIZACIÓN AUDIOVISUAL 2014 do Ministerio de Educación, o CISS PRAXIS de Cuadernos de Pedagogía ao labor docente 2013 e a selección como finalistas dos Premios Fundación Telefónica de Innovación Educativa 2012 e autonómicos nos Premios Acción Magistral 2014 seguimos dando a coñecer o proxecto en Congresos e Cursos. Este ano ATURUXO FILMS foi presentado no XVII Congreso Internacional EDUTEC en Córdoba, no Foro Internacional Cine de Pequenas Nacións, Alfabetización Fílmica e Novas Audiencias dá Facultade de Ciencias dá Comunicación dá USC e na Xornada InspiraTICS da Plataforma Proyecta das fundacións Amancio Ortega e Santiago Rey Fernández-Latorre. Tamén fomos invitados ao Máster de Formación de Profesorado de Artes Plásticas e a un Curso de Verán na Facultade de Ciencias da Educación da USC.

PREMIO DO PÚBLICO

Logo-No-te-cortes-616x216

PERSOAS acada o PREMIO do PÚBLICO do Certame NO TE CORTES de creación audiovisual organizado pola Fundación Germán Sánchez Ruipérez e a Fundación VOCES. Anteriormente fomos finalistas no premio do xurado deste certame.

Un novo recoñecemento ao excelente traballo do alumnado no proxecto educativo ATURUXO FILMS do IES de Cacheiras e á colaboración co grupo de teatro CHÉVERE e o Conservatorio Profesional de Música de Santiago a través do seu alumnado.

Moitas grazas pola vosa participación para acadar máis de 1.200 votos e máis de 1.000 reproducións da curta Persoas.

No blog de aula CADERNO DE RODAXE podedes encontrar toda a información sobre o proceso creativo da curtametraxe PERSOAS.

cropped-grc3a1fico1

1º PREMIO EN OUFF ESCOLA

A curtametraxe PERSOAS gañou o primeiro premio do Certame Ouff Escola 2014 nunha gala celebrada esta mañá no Auditorio Municipal de Ourense onde, ademais, se proxectou a curta ao público asistente. Recolleu o premio o profesor Sergio Clavero xunto ao alumnado do proxecto educativo ATURUXO FILMS en representación dos autores que non puideron acudir ao acto.

141119_ouffescola_11_prensa_1

Este premio súmase á extraordinaria noticia recentemente coñecida da súa selección nun festival de cine profesional para a súa proxección este venres 21 de novembro no Festival Internacional de cine solidario de Barcelona.

PERSOAS é unha obra creada en Aturuxo films na que colaboraron os actores e actrices do grupo de Teatro Chévere que nos regalaron as súas magníficas interpretacións e o Conservatorio Profesional de Música de Santiago de Compostela onde se compuxo, interpretou e gravou a música por alumnado do devandito centro.

Noraboa a tod@s.

Aquí tedes o trailer de PERSOAS antes da súa estrea na rede.

PREMIO ALFABETIZACIÓN AUDIOVISUAL

ATURUXO FILMS ha obtenido el premio ALFABETIZACIÓN AUDIOVISUAL que otorga el Ministerio de Educación a través del ICAA en la modalidad de secundaria por “su carácter pedagógico y la gradación paso a paso del trabajo en equipo, valorando positivamente su carácter ambicioso”.

El proyecto educativo de creación audiovisual iba acompañado del cortometraje PERSOAS creado por el alumnado de 4º ESO en la materia optativa Linguaxe audiovisual e medios dixitais y en cuya producción han colaborado el grupo de teatro CHÉVERE con la interpretación de los personajes y el Conservatorio profesional de música de Santiago de Compostela del que son alumnos Sandra Galera compositora de la música y sus intérpretes y donde se ha realizado la grabación.

Enhorabuena a Rafa, Lara, Tania, Carlos, Olalla, Andrea, Alex, Eduardo, Iago, Jessica, Daniel, Nicolás, Javier, Inés, Brais, Pablo, Alejandro,Tobías, Sandra, Teresa, Lorena, Pablo, Arturo y Álvaro, a todo el profesorado que ha colaborado desde el CMUS y el IES de Cacheiras y a los componentes de Chévere.

icaa

FINALISTA NO PREMIO ACCIÓN MAXISTRAL

O proxecto educativo ATURUXO FILMS foi seleccionado na fase autonómica finalista para os premios ACCIÓN MAXISTRAL  a nivel estatal.

O premio convócao a Fundación de Axuda contra a Drogadicción, a Comisión Nacional Española de Cooperación con a UNESCO e o BBVA. Ten como obxectivo premiar entre o profesorado a transmisión de valores sociais como a solidariedade, tolerancia ou respecto utilizando metodoloxías educativas innovadoras.

PremioAccionMagistral2014-84x84

ÉXITO NA ESTREA DE PERSOAS NO CGAC DE SANTIAGO

Onte estreamos Persoas no Centro Galego de Arte Contemporánea CGAC de Santiago de Compostela cun notable éxito dada a ovación final e o interese mostrado polos espectadores no posterior coloquio onde o alumnado participante na súa creación respondeu ás súas preguntas recibindo numerosos eloxios.

2

1

Grazas a todos os que acudistes a este acto tan importante para valorar o traballo colaborador de Aturuxo films – IES de Cacheiras, Chévere e o Conservatorio de Santiago.

PARABÉNS

ESTREA PERSOAS MARTES 27 MAIO – A RAMALLOSA

Este martes 27 de maio ás 19:00 h. no centro sociocultural da Ramallosa estreamos para toda a comunidade educativa do IES Cacheiras a curtametraxe PERSOAS creada polo alumnado de Linguaxe audiovisual e medios dixitais de 4º ESO. Conta coas actuacións de actores e actrices do grupo CHÉVERE e un alumno do centro. A música da banda sonora está composta por Sandra Galera (ex-alumna do IES Cacheiras) e interpretada por alumnado do CMUS de Santiago de Compostela dentro dun convenio de colaboración subscrito por ambos os dous centros.

FOTOGRAMA 13_bis copia

Este filme está baseado no guión teatral escrito polo ex alumno Rafael Rey para o Grupo de Teatro do IES, proposta escénica representada en francés en Marsella no marco do programa Comenius.

A curtametraxe trata o tema da inmigración a través de catro persoas que por diversos conflitos teñen que abandoar os seus fogares.

A estrea terá lugar o:

MARTES 27 DE MAIO NO LOCAL SOCIOCULTURAL DA RAMALLOSA ÀS 19.00 HORAS

MÉRCORES 11 DE XUÑO NO CGAC EN SANTIAGO ÀS 20.00 HORAS

Agardamos contar coa vosa presenza