ATURUXO FILMS

O proxecto de creación audiovisual ATURUXO FILMS que se desenvolve no IES de Cacheiras dende hai seis anos obtivo unha mención por “o labor de respecto aos dereitos de propiedade intelectual, así como polo seu carácter multidisciplinar” nos Premios á Alfabetización Audiovisual do Ministerio de Educación, Cultura e Deporte a través do ICAA. Estes premios pretenden galardoar aos centros españois que fomentan a alfabetización audiovisual a través do desenvolvemento de proxectos que se materializan na implantación de experiencias educativas, actividades complementarias, materiais curriculares e de apoio, así como todos os traballos innovadores que contribúan a achegar os alumnos á cinematografía e o audiovisual.

Este curso seguimos con ese labor con 50 novos alumnos e alumnas que se incorporaron a este proxecto a través das optativas de 3º e 4º ESO e 1º bacharelato co obxectivo de lograr unha formación integral nos medios audiovisuais e fomentar o espírito crítico.

O xurado do Encontro Audiovisual de Xóvenes do Festival Internacional de cine CINEMA JOVE  de Valencia otorgou á experiencia de formación e creación audiovisual ATURUXO FILMS, a través da curtametraxe SPOTS SOCIAIS, o PREMIO de Cuadernos de Pedagogía CISS PRAXIS. Este premio destaca á labor docente do seu profesor responsable Sergio Clavero e o excelente traballo do alumnado participante neste proxecto pola dedicación e apoio á producción audiovisual. Este proxecto desenvólvese no IES Cacheiras desde hai cinco anos cuns resultados moi bos avalados polos numerosos premios recibidos.

Volvemos do Timeline filme festival de Carate Brianza (Milán) cunha mención especial que recoñece a calidade da curtametraxe Vidas en sombra creada por alumnado de 1º de bacharelato na materia Cultura audiovisual. A experiencia para os dous alumnos e o profesor que acudiron á cita invitados como finalistas foi extraordinaria pola hospitalidade da organización e a convivencia coas delegacións doutros países participantes como Austria, Croacia e a propia Italia. O intercambio de experiencias educativas de formación audiovisual permítenos enriquecer o noso proxecto co obxectivo de conseguir unha educación integral do alumnado do centro.
Parabén aos creadores de Vidas en sombra por este novo recoñecemento.

A curtametraxe “Vidas en sombra” feita polo alumnado de 1º bacharelato na materia Cultura Audiovisual é finalista do TIMELINE FILM FESTIVAL de Carate Brianza (Italia) e acudirán a dito festival dous alumnos e o profesor responsable da materia, Sergio Clavero invitados pola organización entre o 30 de maio e o 2 de xuño. Os alumnos convivirán con familias do IIT Leonardo da Vinci organizadora do festival. É o tercero ano que as curtas creadas no IES Cacheiras son finalistas en dito festival.

A curtametraxe Spots sociais creada por numeroso alumnado de 4º ESO e 1º bacharelato foi finalista do PREMIO AO COMPROMISO SOCIAL do certame de curtametraxes xuvenil ¡NO TE CORTES! organizado pola Fundación VOCES para a conciencia e o desenvolvemento e o Centro Internacional do Libro Infantil e Xuvenil (CILIJ) da Fundación Germán Sánchez Ruipérez, en colaboración co Ministerio de Sanidade, Servicios Sociais e Igualdade.

Noraboa aos autores polo recoñecemento.

A experiencia educativa de creación e formación audiovisual ATURUXO FILMS que se está desenvolver no IES Cacheiras foi seleccionado FINALISTA do PREMIO FUNDACIÓN TELEFÓNICA DE INNOVACIÓN EDUCATIVA no que participan máis de 2.200 profesores de IBEROAMÉRICA. Nesta XIII edición preténdese incentivar a integración das Tecnoloxías da Información e Comunicación nos procesos de ensinanza.

Noraboa a todo o alumnado que participou nesta experiencia polo seu extraordinario traballo e esforzo, por aprender a traballar en grupo colaborativamente e demostrar que hai outros métodos de aprendizaxe onde tamén a creatividade e as novas tecnoloxías son protagonistas.

“Ha sido una tarea complicada, ya que la calidad de los trabajos presentados es muy alta, pero después de mucho deliberar, ya tenemos el listado de trabajos seleccionados, que podéis consultar como siempre en Delicious. Ahora el Jurado seguirá trabajando en la dura tarea de seleccionar los trabajos ganadores.

¡Enhorabuena a todos los finalistas y a todos los participantes por vuestro gran trabajo!”